نعوم تشومسكي (تولد نهار 7 دجنبر 1928 ف فيلاديلفيا ف لميريكان) هو عالم ليسانيات و فيلسوف و عالم منطق و مؤرخ و ناشط سياسي ميريكاني. تشومكسي كتب تال دابا كتر من 100 كتاب فاللسانيات والسياسة ولإعلام, وكان ما بين 1980 و 1992 هو أكتر واحد حي اللي تستشهدو بيه لباحثين فلعالم.

تيتعتابر تشومسكي باللي هو لأب ديال علم اللسانيات المعاصر، و لخدمة ديالو أترات بزاف ف مجالات آخرة بحال لانفورماتيك و الرياضيات و لپسيكولوجيا.

تشومسكي ناشط سياسي وعندو بزاف د لآراء اللي كاتعتابر أناركية لاسلطوية، تينتاقد بزاف السياسة لخارجية د لميريكان، و الراسمالية ديال الدولة، وتيضامن معا لقضية لفلسطينية.